在香港期間除了和家人、友人飯聚，也有一個人的快樂時光．
一個人的時候，通常我都會避開午飯的人潮，等到下午茶時段才醫肚．一年一度回港，當然不會選擇三文治這類西式食物啦，於是粉麵就成為了我的好朋友；魚片頭魚皮餃河、雲吞麵、車仔麵、雲南米線通通都是我的頭號目標，而當我正思量著如何一解我對担担麵的思念時，剛巧在森記買完書，突然靈光一閃：「蕃薯苗不是就在附近嗎？」，於是立即拿著新買的書往北角街市進發．
午市和晚市的蕃薯苗都是坐無虛席的，店小，也不是可以讓人舒舒服服慢慢食的地方．不過如果在下午茶時段光顧，倒還可以寫意的吃一頓．眼睛在下午茶餐的菜牌上一掃，担担麵是毫無懸念的選擇，另加一客醬油茄子和凍豆漿，絶配！
担担麵湯底濃淡適中，茄子吸收了醬油膏的甜味，這一餐吃得好滿足，而且只需三十二元，以市區的外食價格而論，單用一個「抵」字都不能形容！
再將三十二港元折算瑞士法朗，這一餐的價錢只夠我在瑞士飲一杯普通咖啡．
未吃過這間的担担麵，搵日試下先！
回覆刪除我今日去了中環筷子記食撈麵，幾好食。中環有好幾間老店都好食，如民園麵家、新景記同羅富記。
講開食粉麵, 以前有個blog友話佢個老外老公唔鍾意去呢d小店, 因為坐得唔舒服, 搞到blog友都無得去, 好彩我果個完全唔介意, 重係車仔麵超級愛好者添 :)
刪除一個人，一個moment，有錢都買唔到。妳買到，重要係只港幣三十二元，真要文青上身讚一句：好幸福唷！
回覆刪除(如果在台北，往「度小月」進發，小確幸度該也不輸「蕃薯苗」哩)
文青咪亂認呀! 你問過d左膠未先? XD
刪除三十二港元瑞士飲一杯普通咖啡>> 乜有咁低消費架? 我仲以為乜都好貴.
回覆刪除平平地, CHF3.5 - CHF4夠飲杯咖啡架喇. 老麥呢幾個月有優惠, 單層cheeseburger都係CHF2.5啫.
刪除瑞士話要立法最低工資, 有D人睇到話有成三萬港紙, 嘩嘩聲, 難為人地當地消費勁貴呢
回覆刪除CHF4000 minimum wage呢個議案公投否決咗lu.瑞士都有d工種係得3千幾瑞朗一個月, 一個人生活都叫做夠既, 一定唔洗住劏房, 不過想儲蓄或多d娛樂就唔洗諗喇(但呢度d人普遍都唔會成日出街食飯).
刪除個担担麵個樣好得! 辣嗎?
回覆刪除唔係好辣, 宜家睇返張相都想食多次.
刪除很多名店都有放[罌粟籽]吃了會上癮所以人潮很多 會一直想回來吃.
回覆刪除其實好多麵包西餅都有罌粟籽(我尋日先食過Mohnkuchen), 不過罌粟花都有好多種, 唔係種種會令人上癮. 再講如果係有果d有料罌粟籽, 用來種花再提綀鴉片利錢更大, 用嚟放入食物引客人回頭, 似乎不合成本效益呢.
刪除