2014年6月4日星期三

六四●二十五



8964,不會忘記.不過假如我今晚在香港,我不會去維園.


八九民運之時, 我還是個初中生,記得當時老師有帶領我們唱過幾首愛國歌,甚麼《我是中國人》,《勇敢的中國人》,還有《義勇軍進行曲》(我讀的並不是左派學校)!現在想起也汗顏.其實,中國改革的希望,在天安門廣場的第一下鎗聲響起時已灰飛煙滅,在過去廿五年來中國已經高速變成了一個極端官僚資本主義的國家,製造出一班只管向錢看的國民,在位的貪得無厭,未有機會貪的就一心等著補位.面對如此的人民質素,我實在再喊不出建設民主中國這句話,一個腐朽得不能挽回的國家,跟本不值得我去愛.唯一值得我愛的地方,只有香港.

8964,不會忘記.假如我今晚在香港,我會在尖沙嘴自由戰士廣場.


10 則留言:

  1. 我今晚,都喺尖沙嘴。

    維園老氣橫揪,千篇一律,台上一班虛偽老人食老本交足戲,鳩叫「戰鬥到底」,講大話唔面紅。

    尖沙嘴呢邊,緊扣本土理念,滿載激情,有膽有識,焚燒匪黨旗令人心情愉快。台上論述鏗鏗聲,充滿前瞻性。散會後有後續遊擊行動,喺廣東道打運動戰,「打倒共產黨」之聲始起彼落,啲名店嚇到落閘。成件事又型格又好玩!悼念,都可以咁cool!同維園相比,真係打邊爐同打屎忽!

    回覆刪除
    回覆
    1. 我响公司都帶住headset聽直播, 不過成萬幾人在線聽, lag得好緊要.

      臨尾散水去廣東道真係正啦! 果個鐘數其實廣東道重多唔多自由神?

      刪除
    2. 唔多啦,之不過當熱血人群逢經過一啲駐足睇熱鬧嘅強國人旁邊,一句句「打倒共產黨」就會嗌得零啥齊兼大聲,而啲強國人嘅表情反應,普遍係七分驚奇三分緊張,好鬼得意 (其實使咩緊張丫,唔通會衝埋嚟打實你咩?!之不過咁,佢哋可能將強國嘅處境狀況套咗落嚟香港,喺地獄鬼國,真係乜都有可能發生)。

      某人批死尖沙咀人數會少過五百人(唔開佢個名咯,免得污染妳個純淨的blog),多出嚟嗰六千幾人,一人吐篤口水都浸死佢。一個人,權慾薰心,成日諗住點樣置異己於死地,結果俾仇恨嚴重掩蓋理智(其實用個屁眼諗吓都估到集會人數最少二三千啦),出盡洋相。真係三個字:抵很佢死!

      刪除
  2. 回覆
    1. 香港主流傳媒全面封殺, 好多响香港既人都未必知.

      刪除
  3. 好在我校從來冇叫我地唱呢d歌,只是默哀. 想當年電視的畫面仍然瀝瀝在目,怎能忘記?
    我只想講,"愛港之x"幾時會比雷劈? 簡直香港恥辱 !!!

    回覆刪除
    回覆
    1. 愛港力同愛港之聲呢d小爬蟲, 收咗共產黨錢咩都講得出架啦. 反而係有香港人(e.g. 我d做生意, 住半山既親戚)係真心覺得如果當年唔殺人清場中國就會亂, 隠定最緊要.

      刪除
    2. 叫佢哋做小爬蟲都Q咗,「共產黨嘅屎蟲」就恰當喇。

      刪除
  4. 我都唔會去維園, 佢地除左係個晚叫喊一輪之後, 又有咩野做左呢

    回覆刪除
    回覆
    1. 叫口號唔係問題, 但叫完口號重有無引導參加既市民去做其他嘢? 坦白講我真係睇唔到, 香港都就嚟保唔住喇, 重空談甚麼建設民主中國? 年年都話下年維園見, 宜家係annual dinner咩? 唔係話一定會成功, 但支聯會連希望成功既意志都無! 重有佢哋民主黨班友一邊悼念六四話要結束一黨專政, 一邊又入中聯辦密室同共匪談判, 係佢哋精神分裂定係當市民係傻的?????

      刪除