昨天是二零一四年第一個工作天，想不到迎接我們的，是一股寒流！
不，不是瑞士有如現時北美的冰風暴，而是因為中央暖氣失靈了，據温度監測資料顯示，室內暖氣已經停止運作了差不多十天！幸好今個冬天不太冷，聖誕期間晚間最凍也只是零下一、二度，要不然就真夠我們好受了．
不過，要在室內氣温只有十三、四度工作也不是好得很多，無論是枱面、鍵盤、椅子或是地板，全部都冷冰冰，最要命還是要如廁的時候，令我想起以前冬天在香港的日子，那個每朝大清早起床後都等著我的冷廁板．
終於大約十時半，公司出了電郵通告，告知中央暖氣正在搶修中，員工們可以返家home office，於是一到十二時，我又打道回府了．
如是者，新一年第一個工作天，輕輕鬆鬆，又有身處香港冬日的感覺，都算另類開工大吉吧？!
最怕冷，諗起都驚!
回覆刪除(同部好慢的電腦鬥緊氣，搞到半夜三間都未瞓，唉……)
或者電腦同你一樣怕冷 :P
刪除室內氣温只有十三、四度我估HK人會慣.
回覆刪除冬天室內有時唔止十三, 四度添, 不過如果呢個度數重要坐定定响電腦前做嘢真係幾惡頂, 坐唔夠5鐘對腳已經開經凍.
刪除oh! lucky u! 我地呢邊的法例都係， office 室內低個16度，health and safety 原因， 要放人架。
回覆刪除係呀, 所以有d同事响出memo前已經閃咗人.
刪除我覺得今個冬天特別冷，搞到我一直病病病......
回覆刪除(芝，我部腦都好慢，不如約埋一齊換腦吖 :P)
香港濕凍真係好惡頂, 保重身體呀.
刪除我哋今朝攝氏零下14度，係我嚟6年最凍嘅一日，我都唔知幾想Blaze便秘唔駛同佢出去便便呀！
回覆刪除前兩年果個冬天凍到不得了, 試過連續十幾日零下十幾度, 最凍果日零下十八度, 我屋企附近個小瀑布哂冰.
刪除大家返晒屋企，寫字樓也就吉了。所以無論如何，都是吉兆。(夠唔夠牽強？)
回覆刪除總而言之，可以提早返屋企，點都算係吉吉哋！
小小牽強, 重作! XD
刪除提早返屋企(但有d好hardcore既同事無早走), 話就話Home Office, 但我除咗開咗個phone conference, 覆下email之後都無咩做過嘢. :P
係香港, 反而最怕夏天部冷氣壞左
回覆刪除瑞士office好多無冷氣, 如果好熱加上有時要開住d儀器做嘢, 真係大汗搭細汗架.
刪除今年一d都唔涷，奇怪。我試過落公司地牢揾一大堆文件，長年無陽光，無暖氣，著住件冷袗都涷到打冷震，又好驚困咗係入面。
回覆刪除公司地牢長年都陰陰涼, 夏天可以走去避暑
刪除最好成個星期都home office咪正!! =D 嘻嘻
回覆刪除但係日日都响屋企又好悶喎, 都係有同事吹下水開心d
刪除香港最近很潮濕！
回覆刪除我呢度就勁乾, 搞到我成日咳.
刪除