昨日連走兩場，因為一月想看的電影實在太多，除了新上畫的，Filmpodium還有Ken Loach和鈴木清順影展，為了要快速將Wish list上的電影KO，所以要盡量一箭雙鵰（甚至是三鵰）．
先看去年康城影展的話題作《La Vie D'Adele》，坦白說，電影中的性愛鏡頭不是我看之中最大膽，但就真的很能表現出熱戀中情侶的熾烈激情，尤其是完事後兩位少女胴體相纏的畫面，構圖有如Henri Matisse的作品．看完一部要追足三小時德語字幕的電影，為了要讓眼晴和腦袋休息一下，所以揀了高安兄弟的新作《Inside Llewyn Davis》，事前沒有看過影評，只略知故事大綱，起初倒奇怪為甚麼這對鬼才會拍一個如此平凡的故事．不過原來這部表面看來毫無故事性可言的電影蘊藏著一個有趣的概念，高安兄弟，別來無恙，依舊「玩嘢」．
兩部作品都很得我歡心，下星期有時間會逐一寫觀後感（先打開口牌，為免自己走數）．
看了喜歡的電影固然叫人精神一振，另一件令我欣喜的是兩部戲的入座率都很好，看
《La Vie D'Adele》前還排了十多分鐘才買到票呢！
《La Vie D'Adele》前還排了十多分鐘才買到票呢！
二零一四，繼續沉迷，繼續愛電影．
《Inside Llewyn Davis》我都覺得係冇故事性
回覆刪除但係入面d細節好精彩. 如果唔熟文學同埋高安兄弟d舊作既觀眾會覺得悶.
刪除高安兄弟呢套, 我幾有興趣睇喎, 佢地以前既 Fargo 同 No Country for Old Men 都好睇呀
回覆刪除仲有Miller's Crossing, Blood Simple同Barton Fink都係精品呀 :)
刪除好想睇高安兄弟新戲! 不知香港會否上映。
回覆刪除唔會無卦, 兼且個中文繹名九成九會係《xx離奇xx》或《離奇xxx》 :P
刪除今次終於破格鳥 (原來咁至係真正離奇)，"inside llewyn davis"譯做《知音夢裡行》。
刪除不過此地可能真係冇得公映，只有電影節上。
因為係電影節啫, 如果上正場個戲名相信都好大機會「被離奇」:P
刪除原來妳是住德語區的，那麼妳的德語如何﹖另想問很久，為何你們會移居瑞士﹖
回覆刪除我d德文都ok啦, 基本上返工都係要用德文, 我响瑞士差不多十年喇, 不過係我移民啫, 我老公係瑞士人, 結婚前都考慮過究竟係我搬過嚟或是我老公去香港, 不過佢做科研呢類工作, 响香港無咩發展, 咁唯有要我嫁夫隨夫啦.
刪除