上年十二月部門經歷了突如其來的大地震，老頂在毫無先兆的情況下被裁，我們頓時變了孤兒仔，自此之後沒有了一棵好遮陰的大樹，會直接隸屬Life Cycle Management的director，即是責任大了，要應付的工作範疇亦多了．
天下無不散的筵席，而且總不能永遠都停留在comfort zone，今天由三樓的舊office搬了到一樓，和其他project managers做左鄰右里，正式宣告我亦成了鬥獸場的一份子了．
從好處看，新office的風景比以前好，而且夏天亦會比樓上涼快，而且可以行少兩層樓梯．
當然，這個轉變的副作用，是一個升職加薪的機會，詳情未知，希望會是個令我滿意的結果．
不要說我伂儈，返工難道還講心不講金嗎？
我最近有兩個老細都叫我升職，管做多啲嘢，我兩個都拒絕咗，同佢哋講我依家呢份工係退休工。
回覆刪除其實我結咗婚過咗嚟瑞士之後, 有諗過做個家庭主婦就算, 但最後都係覺得海外人妻都係自己有份工好d, 一來可以接觸多d人, 二來都係洗自己賺既錢最爽. 宜家我對工作無咩嘢心架喇, 但求唔係一份因為本地人唔做先輪到我既工, 有少少挑戰性得嚟又唔洗勁ot我就好滿足架喇.
刪除我後生時試過同一位有D地位嘅同事講:「你唔好話我知, 你做呢份工係因為有 job satisfaction 喎」。 佢即刻化身 May 姐, 哈哈哈哈哈哈。
回覆刪除job satisfaction 既因素都有d既, 不過當然月尾出糧既推動力更大啦 :P
刪除返工當場是為了錢， this is the motivation，不過 job satisfaction ， 工作環境，同事等因素都一樣重要。
回覆刪除係架, 如果同d同事夾唔嚟, 返工就真係度日如年喇.
刪除人，有條件永遠待在 comfort zone 內，是最好的 — 起碼對我此等懶人來說，是最好的。
回覆刪除然而，當形勢比人強，被逼離開搖籃，落場打真軍，也唯有打甩牙和血吞！做了過河卒子，只得一路向前。
話唔定，在鬥獸場內自己也逐漸變成享受鬥獸的 gladiator 呢？
我都係懶人嚟架, 但弊在係一個唔衰得既懶人, 機會嚟到唔試下又唔甘心, 而且學你話齋, 做咗過河卒子, 一於勇字行頭啦. :P.
刪除邱吉爾說：「我欣賞在戰鬥中微笑的人。」
刪除enjoy your colosseo fight !
哈哈, 不過以從搬咗去鬥獸場, 我無得坐响自己個位食嘢lu. (其實無話唔得既, 不過唔好意思啫)
刪除有轉變才有機會，加油！
回覆刪除順祝新春愉快，身體健康！:)
祝栗子妹萬事如意，新一年睇多d好戲！
刪除Lili, 祝你新年快樂，事事順利，一家人身體健康，笑口常開。工作更上一層樓！
回覆刪除大家咁話！新一年大家都睇多d好戲，讀多d好書。：)
刪除萬劫可解的配方
回覆刪除垂範亞洲建共和
香港製造，必屬佳品！blur，好嘢！
城邦建國，新年快樂。
城邦會戰勝歸來，新年快樂！
刪除今晚《本土論壇》真係好正！國師與又有料又靚仔嘅代糖夫人，以日本慕華夏之歷史，折射於香港現狀，並分析一些可借鏡的本土定位，極有insight. 堂主以廿五之齡講黃仁宇及錢穆等學人，看著畫面，好鬼死有荒謬感！ :D
刪除呢集精彩! 堂主既外表(成個o靚仔咁)同佢既學識真係有好大反差 :)
刪除