昨日大約下午時份，在手機版Facebook上看到李慧玲被炒的新聞，沒有很震驚，只有點似曾相識的感覺，猶記得十年前我初搬來瑞士不久，就聽到大班被商台掃地出門的消息，而毓民亦因受到暴力威嚇而在大氣電波消失了一段日子，再重返商台時已被投閒置散，昔日的黃金時段被李慧玲取代，然後在2005年7月亦難逃被炒的命運．而自此之後我都是聽網上電台為主，李小姐的節目偶有聽過由其他網民上載的聲音檔案，論水準論尖銳性，真是和昔日的兩大名嘴相距甚遠，再加上她經常無理抹黑進步民主派，令我一向對她無好感．不過，始終她都有批評政府的無能施政，雖然是小駡大幫忙，但總算是盡了傳媒監察政府的責任，如今連她亦步大班，毓民的後塵，只能說句：「不要問喪鐘為誰而敲，喪鐘為你我而敲．」
不要再問：「點解香港宜家變成咁？ 」或者驚叫「新聞自由已死．」，香港日漸向壞方向變，傳媒自我審查，不是現在才發生的．要問的是，你過去為香港做過甚麼？是不是今日為撐李慧玲而在臉書送上一個Like, 然後明天又心安理得地看是是但但的無線新聞，再毫無保留地接收？
那些開口埋口「我對政治無興趣」、「政治留返俾政府搞」、「我中立架，唔想俾人利用」的人，如夢初醒的大呼小叫大可省下，繼續看CCTVB吧；但如果真的被李小姐事件所震撼，請嘗試多接收主流傳媒以外的資訊，盡一分力將圖畫的另一面傳給身邊的人吧．
香港之所以有今日的境地，除了是因為中共政府早就盤算好的消滅香港人計劃，另一個主因，是來自大部份港人的冷漠．
同意， 香港人永遠不盡義務，連最基本登記做選民也不願。自己不幫自己，但有事就嘈嘈閉。
回覆刪除係呀, 好多香港人對自己切身既問題又唔去多了解, 睇新聞就睇個標案就自以為掌握一切, 唔去投票, 成日强調自己政治冷感重要沾沾自喜.
刪除見到香港而家咁, 真係好心傷
回覆刪除老實講我對好多香港人已經死咗心, 仲要堅持抵抗下去只因為重有少數清醒既人同埋我真係放唔底香港呢個家, 唔知仲可以頂得幾耐, 但重有少少機會我都唔甘心放棄.
刪除我一向都覺得係香港人貪心自私，攪到自己依家咁樣。一個SARS經濟差少少就乜都唔理支持擴大自由行，永遠只看眼前利益，地區立法會選舉就懶得去投票。茶餘飯後FB批評呢啲完全唔駛負出嘅亂吠就個個都加把嘴，其他免問，真係抵死！依家好啦，加拿大唔俾投資移民，最好香港中產走唔甩，睇吓佢哋仲有無咁自己顧自己。
回覆刪除FB俾個like就當自己關心咗, 然後自我感良好, 但你想同呢d人深入d去探討問題時, 得到既反應會係:X! 講呢d! 基本上唔止大部份活在香港既香港人係咁, 果d移咗民歐美好耐, 自以為好西化既香港/華人都係一樣, 小農DNA始終係搣唔甩.
刪除自己切身既問題都唔去關心, 宜家已經水浸眼眉喇, 重但求苟且偷生就算, 有起事上嚟你話可以怨邊個啫?
沒有人是孤島！然而我對李慧玲事件的看法，可能跟主流有點不一樣。689老土大口玲，這肯定係事實，但我不認為這是她被炒的底因；而商台續牌亦跟她繼續存在與否沒有關係，公眾太高估她的影響力，佢自己亦係一樣！商台怎可能不獲續牌呢？
回覆刪除個人認為她被炒是因為攻擊得商台與陳志雲太厲害，去到口沒遮攔、目中無人階段，正常商業機構都不可能容忍。職位高者，即捕即解至正常不過，尤其她是主持，當無法控制她在live broadcast對公司作出攻擊時，就要立即解除職務。天下間自命開明的公司，都有一條臨界底線，李慧玲是完全踩過籠了。我不喜歡商台，也不喜歡陳志雲，但在這件事上，我認為大口玲必須被解僱。
然而撇開此事，港共政權整肅傳媒，意圖滅聲，則肯定係事實。
回到民主的老話題，香港pro民主的人，其中有兩類，為數極多：
1.因為六四而一直盲目支持民主黨，但其實早已不關心政治。到了今天仍然以為司徒華與民主黨就是王道正宗，每次選舉都慣性投票給他們，而不知這個偽民主政黨早已跟中共裡應外合，出賣港人。而當你意圖向他們解釋，就立即擰歪面，關起耳朵唔聽，這種人，跟他們票投的政團一樣，都是民主之賊。
2.就是妳所說的買民主贖罪券的人，當中中產為數不少。參予電子公投，或在fb寫個「撐」，自我感覺良好一番，就完成贖罪程序。抗爭意志呢？沒有。Q仔說今年七一遊行，從維園開始至中環全部人坐在馬路上，逼政府立即談判，可能嗎？曼谷可能，香港不可能。佔中我支持，但看看那班人現在搞成甚麼鳥樣？連鳩做都唔係，而係盡力令這個運動搞唔成。香港，太多犬儒鄉愿！我同意毓民講：香港人基本上冇得救。
成件大口玲事件，最令人欣喜的是熱血時報發動「新媒體運動」，這是一個communicative & comprehensible，具體而有力的 message。所有人，都應該盡一分力，盡量幫忙把這訊息推廣出去！
我又覺得兩睇啦, 商台炒李慧玲未必真係同續牌有關係, 不過既然佢成日鬧公司, 節目質素又唔係好, 炒咗佢無咗個無咩經濟效益既頂心杉之餘, 又可以取悅下689, 一舉兩得, 何樂而不為? 講開又講, 我覺得聽網台既人真係比聽主流傳媒既知多好多, 有時同呢D人傾偈簡直覺得大家來自不同世界. 好似前兩日李小姐响記招果句: 梁振英做特首既命一定長唔過佢做傳媒既命, 有朋友响fb大讚佢好厲害好夠辣, 我忍唔住回佢李小姐只係東施效颦, 重post埋成舍我老先生果段歷史(點知咁啱毓民之後節目又有講), 聽得垃圾節目多, 連李慧玲都叫厲害, 果然係山中無老虎, 猴子稱大王!
刪除香港人, 有人响資詢會擲下嘢已經叫好暴力啦, 要佢哋罷工罷課去抗爭? 無可能! 响FB打咭就叻. 前幾日聽熱血政治亞戴耀廷個訪問, d老千嘴臉都開始浮現啦, 如果班和理非非支持者繼續受佢昆, 商討完再無止境商討, 擺明係賊船都要上的話, 只能講句係抵x死.
李慧玲諗過度過，覺得冇咩香港人知道成舍我呢句名言，至會A貨扮金句啫。其實真係幾貽笑大方，唔講好過講。
刪除just wonder if u've seen this part:："練乙錚 - 佔港的新媒體"
刪除http://vicsforum.blogspot.hk/2014/02/blog-post_2587.html
今朝睇咗一段, 未有時間睇哂. 宜家淨係聽網台都唔夠時間, 情況有d似五區公投前夕咁樣, 日日睇文睇到眼矇矇.
刪除